já! það er ekkert annað! hún Hildur mín bara orðin bókagagnrýnandi í mogganum... mér finnst það mjög töff, og þetta var mjög góð gagnrýni hjá henni.. en ég er samt í fýlu út í hana fyrir að hafa ekki leyft mér að koma í heimsókn í kvöld því hún var að fara að sofa... heyrir það hildur! ég verð í fýlu og ég efast um að ég tali við þig aftur um ævina..

annars var Einar Örn úr Sykurmolunum í hinum stórgóða þætti Af fingrum fram í gær og þá sagði pabbi mér að einhverntíman þegar ég var tveggja ára þá var ég með pabba og mömmu að bíða í röð.. Einar Örn var svo fyrir aftan okkur, og ég lenti víst í einhverjum hrókasamræðum við hann.. mér finnst það mjög kúl

en já, á morgun ætlaði ég að fara til Jóa Palla vinnualka að horfa á leikina í ensku deildinni, en hann er að fara að vinna eins og alltaf, þannig að ég neyðist til að fara í ævilanga fýlu útí hann líka..

þannig er það nú.. ég missi tvo vini á einu kvöldi.. ojæja..

lag dagsins: Bang Gang - So Alone