HAHAHAHAH
ég var að klára að horfa á Maður eins og og með Jóni Gnarr.... hún kom mjög á óvart

djöfull elska ég Arnold.. hann er harður nagli

HASSELHOFF FELLDI BERLÍNARMÚRINN
-------------------------------------------------
Leikarinn David Hasselhoff hefur lagt inn formlega kvörtun til safns í Berlín, sem geymir og sýnir muni tengda falli Berlínarmúrsins. Hasselhoff var svekktur yfir því að hvergi væri á hann minnst, né mynd á honum af safninu, þar sem hann vildi meina að þáttur hans í falli múrsins hefði verið töluverður.
Hasselhoff hélt því fram 1989, árið sem múrinn féll, í viðtali við þýska blaðið Spielfilm að hann hefði hjálpað til við að sameina austur og vestur með því að syngja lagið "Looking For Freedom" fyrir milljónir aðdáenda við Brandenborgarhliðið í Berlín. Hann sagði að lagið hefði haft það mikil áhrif á fólk beggja vegna múrsins. Í sama viðtali viðurkenndi hann að reyndar skildu fáir austanmegin við múrinn ensku.
"Mér finnst það mjög sorglegt að það skuli ekki hanga mynd af mér á veggjum Berlínarsafnsins við Checkpoint Charlie," sagði Hasselhoff í nýlegu viðtali. "Eftir að ég kom fram við hliðið hjó ég búta af múrnum sem voru málaðir í þýsku fánalitunum. Ég geymdi einn en gaf restina til félaga minna í Baywatch."
Í sama viðtali sagðist Hasselhoff ekki kippa sér upp við það að landar hans geri grín að vinsældum hans í Þýskalandi, sem hann kallar annað heimaland sitt. "Þeir hafa ekki hugmynd um hversu falleg Evrópa er og hversu rík þið eruð af menningu, hlýju og börnum. Í Þýskalandi hafa mörg börn komið upp að mér og gefið mér blóm."

mulholland drive er í sjónvarpinu á morgun kl. 22:40.... hvet alla sem ekki hafa séð hana til að horfa á hana þar sem er ein af 3 bestu myndum sem ég hef séð

það er ömurlegt að vera veikur... ó þú erfiða líf...

ég þoli ekki kristna trú.. ég fékk einhvern bréfasnepil frá einhverju jesus-freak á laugarveginum og kíkti á það.. þar talar gaurinn fyrst um hvernig líf hans hafi verið tilgangslaust, og hvernig allt í einu, þá hafi hann orðið frelsaður og fundið fyrir nærveru guðs og eitthvað.. og eins og svo margar aðrir sem verða fyrir þannig reynslu þá hefur þetta orðið ti þess að hann missti algjörlega vitið eins og sést svo á næst blaðsíðum
"þú kemst ekki til himnaríkis þótt þú gerir góðverk eða blablabla.. bara ef þú hleypir Guð og Jesú Krist inn í líf þitt. Þú finnur aldrei tilgang í lífinu nema þú hleypir Jessa inn í líf þitt og yakyakyak.."
hvað er málið? þetta er ástæðan fyrir því að trúarbrögð fara yfirleitt í taugarnar á mér.. hvað ef ég er ánægður með líf mitt án þess að guð sé eitthvað að blanda sér inn í það? hvað ef ég hefði á einhverjum tímapunkti viljað vera trúaður en ekki getað það því ég hafi einfaldlega ekki fundið fyrir neinum "heilögum anda"? Ég þoli ekki einusinni að vera í kirkju.. það bergmálar of mikið

Svo er það sem kristin trú byggist á, að "Jesú hafi dáið fyrir syndir okkar" það heimskulegasta sem ég hef á ævi minni heyrt.. ég hafði það alltaf á tilfinningunni en þessi snepill staðfesti það algjörlega fyrir mér.. útfrá þessari speki þá ætti maður að geta hugsað einhvernvegin svona "núna ætla ég að fara út að drepa konur og nauðga litlum börnum en það er allt í lagi því ég hef hleypt jesú inn í líf mitt og hann dó fyrir syndir mínar og ég hef hvort sem er svo margar syndir fyrir og þessvegna kemst ég til himnaríkis"...
ef lógísk hugsun uppí himnaríki verður eitthvað á þessa leið þá hef ég voða lítinn áhuga á að fara þangað..

þingmaðurinn sem er í kastljósinu núna... þessi Birgir eða hvað hann nú heitir er mesti lúði sem ég hef séð á ævi minni.. hann reyndi einusinni að pranga inná mig einhverju sjálfstæðismannakaffi rétt fyrir kosningar.. þá hélt ég að hann væri um fimmtugt.. svo komst ég að því að hann er ekki einusinni þrítugur.. allavegna ekki mikið meira en það

já... ég og Hjölli, stórvinur minn og aumingjabloggari vorum að dunda okkur við það í dag að skipta á fyrsta (eða fyrstu tveim) staf í fornöfnum og eftirnöfnum vina okkar... það gaf margar skemmtilegar útkomur og mun ég nú birta það sem við teljum vera topp 5

5. Þjörleifur Horri Skormóðsson
4. Kildur Hnútsdóttir
3. Þenedikt Bón Jórðarson
2. Smaukur Hári
1. Eristinn Kverts

í staðinn fyrir lag dagsins mun ég héðan í frá hafa plötu vikunnar.. lag dagsins mun þó örugglega vera eitthvað áfram... bara ekki eins mikið.. allavegana.. það er úr miklu að velja fyrir mig þessa dagana en plata vikunnar í þetta skipti mun vera platan I Am The Fun Blame Monster með Menomena

ég er ömurlegur að lýsa tónlist.. og ég get heldur ekki sagt ykkur að fara útí búð að kaupa hana því hún er ekki til á íslandi (enda eru íslenskar plötubúðir drasl).. þannig að ég hef ákveðið að segja bara ekki neitt um hana.. eða jú! gaurinn í hljómsveitinni bjó til eigið tónlistarforrit fyrir hljómsveitina... það finnst mér kúl.. og það er einhver voða sérstök tækni sem þeir nota til að semja..
allavegana.. bestu lögin á henni heita Cough Coughing, The Late Great Libido og The strongest man in the world

mér finnst Echoes með Rapture vera alveg mjög kúl plata...

já.. hann hónnes halmsteinn svaraði pabba mínum í fréttablaðinu í dag... dagblöð eru mjög góður miðill að því leyti að þá getur maður sest niður og séð nákvæmlega hvað viðkomandi er að reyna að segja.. því eins og t.d. í fréttaþáttum í sjónvarpinu þá geta menn bara beitt þeirri tækni að gaspra bara og kjafta úr sér allt vit, þannig að enginn annar komist að án þess að vera að segja nokkurn skapaðn hlut... þannig er það til dæmis með hann hónnes kallinn... þetta bréf er alveg hryllilega slakt hjá honum greyinu... þetta er það slappt að jafnvel ÉG gæti svarað þessu bréfi.. og ég held ég geri það bara hérna á blogginu einhevrntíman á næstunni... taki bréfið bara lið fyrir lið og vonast svo að hann álpist inn á bloggið (hann virkar svona á mann sem þannig gaur sem leitar að eigin nafni á leitarvélum).. en núna ætla ég út í bakarí

lag dagsins: Converge - Homewrecker

djöfull eru þessir menn sturlaðir... ég tek til baka það sem ég sagði um jesus christ bobby og ástarsorg... Jane Doe með Converge er héðan í frá ástarsorgarplatan mín

já... núna þegar leikurinn er búinn og ég er ekki lengur íslendingur, er ég að spá hvað ég ætti að gera.. hvort ég ætti að gerast svíi (útaf handboltanum), brasilíumaður eða frakki (útaf fótboltanum), eða kani (útaf körfuboltanum)...
held reyndar að það væri best að gerast bara frakki, því þeir eru bæði góðir í handbolta og fótbolta.. og körfubolti er fyrir kellingar.... nennir einhver að kenna mér frönsku?

ég sver það ef við vinnum ekki tékka bara því við gátum ekki drullast til að hrista þá af okkur þá segi ég upp íslenskum ríkisborgararétt mínum...

jæja þá er það bara að fara út í bakarí og horfa svo á ísland tapa fyrir tékkum.. alltaf gaman...

lag dagsins: Úlpa - Ég er í bandi, ég er hundur

þetta lag er bara of gott... þeir hafa reyndar ekkert gefið það út og ég hef bara heyrt það live.. en ef þeir klúðra þessu lagi í stúdíóinu þá myrði ég þá >:-|

ég er að hlusta á virkilega góða plötu... I Am the fun blame monster með hljómsveitinni Menomena... veit sosem voða lítið um þá.. en þetta eru mjög góð lög...

hvað er málið með þessi andskotans "dráttavélar bannaðar" skilti sem maður sér á sona 4 ljósastaura fresti?
ÉG HATA HVÍTAR KÁPUR

hvað er málið með þessi Franz Ferdinand hljómsveit? ég er bara búinn að heyra lagið Take Me Out og ég skil ekki hvað er svona æðislegt við þá.. líklega er það bara því röddin í söngvaranum fer í mig.. fyrir þá sem vita það ekki þá eiga þeir að vera "ðe neggst big þeing" í bretland... persónulega finnst mér vera allt of mikið af ðe neggst big þeing hljómsveitum í bretlandi..

12000 heimsóknir! gleði!

vá... jæja draumurinn rættist... ég dánlódaði leiknum Big Rigs: Off The Road Racing... hann var alveg heil 400 mb en vel þess virði.. þetta er án efa það allra versta sem ég hef spilað á ævi minni.. það tók fyrst leikin 5 mínútur að komast í gang en svo byrjaði þetta... maður er semsagt einhver trökker og er að smygla einhverju ólöglegu drasli í bílnum sínum og á að keyra einhevrja braut í kappi við einhvern annan gaur (afhverju? af....hverju?) meðan skv. auglýsingunni maður "forðast lögin" og slíkt... það besta er samt að það er enginn lögga til að forðast og bíllinn sem maður er að keppa við fer aldrei af stað.. hann bíður bara á byrjunarlínunni allan tímann... ég lét það samt ekki á mig fá og keyrði af stað... á vegi manns verður svo ýmislegt.. hús, ljósastaurar.. fleiri hús, fleiri ljósastaurar... en það skiptir samt svosem voða litlu máli þar sem maður getur bara keyrt í gegnum það alltsaman..
en svo er hámark ömurleikans þegar maður loksins vinnur brautina.. þá kemur á skjáinn bikar og setningin "You're winner"... þetta verður án efa hin nýja "all your base are belong to us" setning..
æjá.. og svo var ekkert hljóð í leiknum.. við þetta allt bætist svo hversu ömurlegt konsept þetta er...
ég mæli samt með því að allir sem spili tölvuleiki á annað borð prófi þennan leik, því maður lærir eiginlega að meta allt annað sem maur er að spila

haha pabbi skaut á Jón Steinar í fréttablaðinu.. rokk

annars var gærkvöldið skemmtilegt... fór í tvítugsafmæli hjá Ásu Hlín og það var bara hressandi.. meira um það seinna (eða aldrei)

djöfull langar mig í þennan leik...

lag dagsins: Menomena - Cough Coughing

það sparar manni alveg tíma þegar maður er að horfa á landsleik með íslenska landsliðinu að um leið og þeir eru komnir 4 mörkum undir þá getur maður hætt að horfa því það aldrei séns að þeir vinni upp þannig mun.. aular... ég hata allt

ég ætla að stofna samtök gegn keppnisíþróttum, bara því ég hata þær og liðin sem ég held með tapa alltaf....
slagorðið okkar verður "keppnisíþróttir valda þunglyndi"

ég hata íþróttir.. ég ætla aldrei aftur að fylgjast með íþróttum... nema ef ísland vinnur ungverja

djöfulsins slæma martraðanótt... gleymdi að ég var að berjast með x-men við einhver feit ofur-svín í dúfnahólum 2... svo festist ég úr lyftu úr pappa sem var full af tælenskum mat...

ok núna ætla ég að gera tilraun... ég er með hjá mér poka með mat sem vegur 2 kíló. sjálfur er ég 71 kíló á þyngd. núna ætla ég að éta allt sem er í þessum poka og vigta mig svo eftir það

skýrslugerð mun fylgja

ó sorg
ég á ekki að vera nálægt kveikjurum... ég byrja alltaf að kveikja í öllu sem ég sé.. það er ennþá vond plast-brunalykt eftir að ég kveikti í gormi og jógúrtdollu... svo kom einhver sú skrýtnasta/viðbjóðslegasta lykt sem ég hef fundið þegar ég kveikti í eyrnatappa.. og hann sauð ógeðslega mikið.. þess má geta að þessi eyrnatappi var notaður, þannig að ég var þannig séð að brenna gamlan eyrnamerg...

djöfull hef ég ekkert að skrifa um...

You are the drawing.


Saint Exupery's 'The Little Prince' Quiz.
brought to you by Quizilla

ef eitthvað í heiminum er leiðinlegt þá er það að færa trommusett milli staða.. sérstaklega þegar maður er ekki með töskurnar undir það... það er varla að ég nenni að vera í einhverju hljómsveitastússi ef ég þarf að vera að rogast með þetta á milli staða í hvert skipti sem við spilum... allavegana er ég að vonast til að sleppa við það því auður systir mín er búin að bjóðast til þess að vera rótari og sjá um allt þetta helvíti...

andskotans mörðurinn hann Eyjó keypti marsipanköku, kom með hana hingað og dreifði mylsnu um allt gólf hjá mér... sem ég þarf nú að ryksuga.. heyriru það eyjólfur!! >:-|

gallinn við það að vera kominn með internetið aftur er það að maður dettur aftur niður í það að gera ekki rassgat með líf sitt... núna ætla ég að fara út í bakarí, kaupa mér brauð og hjálpa svo gömlum konum yfir götur

jæja þá er maður klæddur og kominn á ról... hhoohoho!!!! HOHOHO!HO!O!!o oohoh

lag dagsins: Four Tet - Unspoken
djöfull er þetta svalt lag..

jöss! ég komst í fréttirnar í gær... á þessari virðulegu Hagþenkja/Hagþenkis/Hagþenkju/Hegþönku samkomu þar sem pabbi fékk fullt af pening.. .svo erum við fjölskyldan að fara út að borða núna til að halda upp á það að pabbi hafi fengið fullt af pening og viðurkenningarskjal... svo vill ég þakka Rush Limbaugh fyrir að hafa tekið bölvunum mínum og fordæmingum svona vel.. og vona að honum hafi gengið vel í dópmeðferðinni sem hann fór í um daginn

kominn með netið aftur... feitt
og ég er ekki búinn að fá nema 5 eða 6 heimsóknir í dag... djöfull hata ég ykkur

jíha.. var að koma af einhverri verðlaunaafhendingu eða einhverju í þjóðarbókhlöðunni.. pabbi fékk verðlaun frá eihverju sem ég man ekki hvað heitir fyrir bækurnar sínar... ég er mjög stoltur... sérstaklega þar sem hann fékk 750.000 kall í verðlaun... og svo verður hann í kastljósinu á eftir!
það var allavegana gaman að vera þarna... ég fékk allavegna ókeypis vín og það er alltaf gaman.. forsetinn var reyndar ekki þarna eins og síðast, og ég fékk því ekki tækifæri til að rugla í honum... súrt... en jæja... allir að horfa á kastljósið!

það er ekkert annað.. frægt fólk bara byrjað að kommenta á blogginu mínu.... Rush Limbaugh virðist vera búinn að læra íslensku og er byrjaður að kommenta.. fyndið! þess má geta að Rush Limbaugh er feitur og ógeðslegur repúblikani sem ég vona að brenni í helvíti að eilífu... samt... ánægður að fá hann!

já.. áhugavert.. áhugavert... ég ætlað fara að éta á indókína á eftir og reynað narra hann jóhannes pál með mér.. það er besti staður í heiminum

jjá.. ég ferðast víða þegar ekkert internet er á heimilinu til að fullnægja þörfinni... þessa stundina er ég uppí breiðholtsskóla inní kennslustofu hjá mömmu minni þar sem hún er að kenna nýbúum... veit reyndar ekki alveg hvernig ég á að hegða mér.. en jæja ég skrifa bara hér og læt mig líta gáfulega út..

lag dagsins: það er ekkert lag dagsins í dag... ég hata alla tónlist >:-|

ég hef ákveðið að henda Hjörleifi nokkrum Skorra nokkrum Þormóðssyni af linkalistanum mínum þar sem hann hefur ekki bloggað síðan um miðjan júní á síðasta ári...ég gaf honum aðeins lengri flest en hinum aumingjunum sem ég hef tortímt í gegnum tíðina þar sem hjölli er mjög skemmtilegur maður.. en þetta er óafsakanlegt... næstum jafnóafsakanlegt og biltakkinn á þessu lyklaborði.. megi hann drukkna í slori... bæði hjölli og biltakkinn...

núna er ég kominn heim til Eyjó... svona geri ég þegar heimili mitt er internetlaust... ég stekk á milli húsa og fæ að nota netið hjá fólki... djöfull er ég sorglegur...

hahah sniðugur er ég! ég narra fólk af ateaseweb.com mb dæminu með því að hafa bloggið mitt í signature dótinu hjá mér! hahahaha!

er ég annars sá eini sem finnst samtölin í þáttunum The Gilmore Girls vera alveg óendanlega asnaleg? þá er ég ekki að tala um innihald samtalanna endilega heldur bara hvernig fólk talar saman... ég var bara að taka eftir því fyurst í gær hversu rídikkjúlus þetta er... og þetta helvítis ljós hérna inná skrifstofu er að gera mig geðveikan...

annars finnst mér eitt ógeðslega fyndið, og það er að pabbi minn hefur mynd af belju uppá vegg hjá sér... þetta er reyndar engin venjuleg belja, heldur hin frækna kýr Fía, sem átti einusinni e-ð met í að mjólka mikið og er einmitt af bænum hans pabba...

annars eru beljur yfirleitt mjög vond dýr.. þó þær leyni á sér... ég man einusinni á æskuárum mínum þegar ég dvaldi á bænum hjá afa og ömmu.. dag einn, eftir að hafa skolað niður sviðasultu og blóðmör með glóðvolgri mysu, var ég beðinn um að fara upp á einhverja hæð til að sækja beljurnar og reka þær inn í fjós.. ég skellti mér í lopapeysuna og tölti af stað léttur í lund, fór upp á túnið og smalaði beljunum samviskusamlega saman.. svo rak ég þær niðrað bænum (þó nokkur spölur) og safnaði þeim saman í réttina fyrir utan fjósið, en þegar ég fór að opna fjósahurðina, þá brutu beljurnar upp hliðið að réttunum og hlupu aftu uppá hæðina.. þannig að ég þurfti að hlaupa alla leið aftur upp til að sækja þær... en það nákvæmlega sama gerðist aftur.. og maður sá það alveg á þessum ófreskjum að þær voru ekki bara að fíflast e-ð.. þetta hafði verið þaulskipulagt í marga daga áður.. það sást best á því hvernig þær hlupu skipulega þannig að það yrði sem erfiðast fyrir mig...
að lokum datt ég niður örmagna, og um leið komu beljurnar og byrjuðu e-ð að pota og sparka í mig.. sona eins og þær væru að benda á mig og gera grín að mér..
og hvað kennir þessi saga okkur? jú, beljur eru vondar, og þessvegna er allt í lagi að lemja þær ef maður er pirraður.. sérstaklega með keyri eða skíðastaf eða einhverju barefli sem maður finnur í fjósinu
einnig kennir þessi saga okkur það, að þrátt fyrir að vera helvítis viðbjóður, þá er mysa holl og góð, því eins og flestir vita þá er hollusta alltaf ógeðsleg á bragðið.

moðerfokk! netið er lokað heima og það opnar ekki aftur fyrr en á fökking mánudaginn.. hvernig á ég sóa lífi mínu núna? þessa stundina er ég útá skrifstofu hjá pabba og ljósið hérna er alveg óþolandi... þegar maður kveikir á því þá blikkar það bara og blikkar... en já... tónlistarverðlaunin í gær... tuddarokkið reið ekki feitum hesti þaðan (haha) en það gerði Eivör Pálsdóttir hinsvegar... það minnir mig á þann tíma þegar við vorum á tónleikum hjá henni og hljómsveit hennar Clickhaze (sem btw. á að drullast til að taka til starfa aftur) og eftir tónleikana faldi/fól (heimska íslenska) ingólfur frændi Eyjó það verkefni að keyra hana fulla heim... hahaha good times...
annars horfði ég á eina verstu mynd sem ég hef séð á ævi minni í fyrradag.. "Big Momma's House".... djöfull var Martin Lawrence óþolandi í henni.. skipar hún sér þar með í flokk með myndum eins og wing commander, eye of the beholder og plump fiction..

en já... klukkan er 9 um morguninn og þetta er enn einn dagurinn þar sem ég vakna fyrir kl. 8... ég veit bara ekki hvað er að gerast... en jæja

fökk maaar... verðafá mér vinnu ef ég ætla mér að glíma við kengúrur í sumar...

lag dagsins: Robertino - La Ninna Nanna

þú ert kóngurinn Robertino, þú ert kóngurinn.

óóó Robertino!! ég EEELLSKKA ÞIIGG

og afhverju er ég ekki búinn að fá nema 12 heimsóknir í dag?? hvað er eiginlega að fólki?!?! sýnið smá lit!

waggawaggawagga
já það verður gaman þegar hljómsveitin mín er orðin heimsfræg... ég er reyndar bara að stefna að því svo ég fái fleiri heimsóknir á bloggið mitt... en jæja

Veðurhorfur á landinu næsta sólarhring:
Viðvörun: Búist er við stormi (meira en 20 m/s) norðvestantil og á annesjum norðaustanlands í dag, en einnig á Austurlandi á morgun.

Norðan- og norðaustan 18-23 m/s norðvestantil og á annesjum norðaustanlands í dag, en hægari vindur annars staðar. Norðaustan 18-23 m/s á morgun, en heldur hægari sunnanlands. Snjókoma eða slydda á norðan- og austanverðu landinu og talsverð ofankoma á Norðurlandi í dag, en á Austurlandi á morgun. Skýjað og úrkomulítið suðvestanlands. Hiti nálægt frostmarki víðast hvar.

þetta er bara nákvæmlega það sama og í gær! helvítis aumu veðurfréttamenn sem nenna ekki að flytja veðurfréttir almennilega..

ööö já pólitískt landslag hér er alveg rosalegt og ööö ríkistjórnin er alveg svívirðileg og blablabla og öö eignahald á fjölmiðlum og alveg rosalegur þessi aðskilnaður fyrirtækja og ríkis og blööblöblö helvítis kommúnistar og hægri öfl hér og bubub og ALGJÖRLEGA úr tenglum við vilja almennings og jájá alveg svívirðileg framganga forsetisráðherra ja hérna hér! og öö já alveg rosalegir þessir Kaupþingssamningar jájá þvíl´æik græðgi og ööö hnignun vestræns samfélags og já ríkisstjórn George Bush! og já samningar Spron og kb eru skammarlegir og lalal LALA LBLABLABLA ÉG ER HÁLVITI AAAA

já góðir hálsar, eins og ég minntist á hér fyrir nokkrum dögum, þá sökkar Imovan... ég gaf þú engar frekari útskýringar, og mörg ykkar hafið líklega verið að velta vöngum yfir því hvað ég átti við með því.. "afhverju notar Egill svona stór orð?" "hvað hefur Imovan gert honum?" "hvað er Imovan annars?"

allavegana... Imovan er svefnlyf.. svefnlyf með heimskulegustu aukaverkun sem um getur... það fokkar einhvernveginn upp á mér bragðlaukunum þannig að allt sem ég borða er viðbjóðslegt á bragðið.. og þetta varir alveg allan daginn.. og ég þarf líklega að vera á þessum lyfjum næstu dagana þar sem ég get ekki sofið.. drasl.. en jæja Jói er kominn.. bless

jæja það er loksins komið að því.. þessi hljómsveit mín sem er búinn að vera í dvala í næstum ár er að byrja aftur... spurning hvort maður ætti að spila út á einhverja nýja ímynd.. t.d. með því að byrja að láta alla kalla mig Beina og ganga svo alltaf með geðveikt speisuð sólgleraugu...
annars vantar ennþá nafn á þessa hljómsveit... tillögur væri vel þegnar...

lag dagsins: Bogdan Raczynski - Death To The Natives

guð minn almáttugur...

hún Bjarndís vínkona (haha) er byrjuð að blogga... alltaf gaman!

ég var að horfa á Meet The Feebles eftir Peter Jackson... djöfulsins óendanlega sýra... þetta er allavegana fyrsta brúðumynd sem ég hef séð þar sem flóðhestur gengur berserksgang og myrðir alla með vélbyssu...

Franklín er þessa stundina að hugga einhvern þunglyndan skunk með því að halda surprise veislu fyrir hann þar sem einu gestirnir eru einhver önd, björn með hatt og einhver bjór sem er alltaf að kenna mannasiði... ég held að þetta sé nóg til að svæfa mig.. góða nótt

það eru alveg óendanlega random auglýsingar í commentakerfinu mínu..

"DrawYourBoss.com
Draw a picture of your boss for the whole world to laugh at!"

"The Truth about Paxil
Get your mother OFF drugs!!!"

og það besta..

"Thinking Chaos, Thinking Fences
Descend into the code and make your room a fridge for Superman"

???

nennir einhver að koma og syngja mig í svefn?

það sökkar að geta ekki sofið... núna er skjaldbakan Frankín í sjónvarpinu... Franklín er hetja mín.. hann er James Dean okkar tíma

og Kornelíus gamli fíllinn kom með mikla speki í lok þáttarins.. "minningar eru fjársjóður sem eru meira virði en gull"

svo dó hann úr elli og fílahrukkum

Babar er í sjónvarpinu.... feitt!
hann er að slökkva eld eða e-ð

af hverju er allt svona djöfulli þroskaheft? bahhhhhhaaaaa

lag dagsins: Television - Venus
söngvarinn í Television er annars alveg hryllilegur.. hann hljómar eins og geðveikt ýktur Dr. Gunni... og þar sem söngstíll Dr. Gunna er ýktur fyrir þá er það aaansi slæmt.. hann ætti bara að halda kjafti

moðerfokkers... ég horfði á heimildarmynd um Charles Manson í gær... það var mjög gaman og kenndi mér margt um hippa og þeirra síða hár og lalalalaaaa... svo var ég að bera út núna... efast um að ég geti farið aftur að sofa þó ég hafi bara sofið í 3 tíma... ég er hættur að geta sofnað djúpsvefni... ligg bara og hugsa í undirmeðvitundinni um hvernig ég ætli að hefna mín á heiminum...

þetta helvítis blogg ruglar bara... stundum er það rétt og stundum ekki...

jöss! tvíhöfði eru snúnir aftur! ég veit ekki alveg afhverju ég er að fagna því! þar sem ég hlusta aldrei á útvarp!

pff.. þynnka... ég er svangur


lag dagsins: Mínus - Liquid Courage
overcast of blue emotions, not knowing what will be..
þetta lag er viðeigandi þar sem það er um drykkju... svo er þetta líka bara besta lag í heimi...

jæja snillingurinn hún systir mín lagaði bloggið mitt.. hún er allt í einu orðinn einhver bloggsérfræðingur sem virðist kunna vel inn á template draslið... hef ekki hugmynd um hvernig hún fór að því...

annars er ég farinn að bíða eftir því að hún eignist sinn fyrsta kærasta, enda er hún Auður mjög myndarleg stúlka og góður kvenkostur fyrir hvern sem er..
þá hefði ég líka einhvern sem ég gæti ofsótt og pyndað í staðinn fyrir greyið hann Bjarka sem er löngu orðinn eyðilagður maður eftir mig eins og sést á þessum teiknimyndasögum sem hann gerir...

jæja.. búinn að setja upp nýja sjálfsmynd.. fór eftir flestum emo camwhore reglum sem til eru í bókinni til að reyna að fegra mig.. nú þarf ég bara að fá Auði til að redda þessu helvíti fyrir mig aftur...

hahahaahh!! djöfull er Eddie Murphy góður að herma eftir Elvis...

platan Jesus Christ Bobby með Mínus er gott meðal við ástarsorg... kemur einhver með mér á hróarskeldu í sumar?

já... ég var að horfa á Ali G. áðan.. þetta hefur verið sagt oft áður, en djöfull er þessi þáttur fyndinn...

lag dagsins: Boards of Canada - 1969

hérna er svo myndasagan hans Bjarka

þetta er of mikil snilld...

Ó, hve margur yrði sæll
og elska myndi landið heitt,
mætti hann vera í mánuð þræll
og moka skít fyrir ekki neitt.

ég er að hlusta á Geogaddi m. Boards of canada... líst bara veel á...

ég skil ekki hvernig fólk getur fengið plötur, hlustað á þær í gegn með fullri athygli og svo sagt hvort þeim finnst hún góð eða ekki... athyglissvið mitt nær bara yfir 1-3 lög... plötur þurfa að vera mjög góðar til að ég meiki að hlusta á þær allar í gegn.. þá er það yfirleitt þannig að 1 eða 2 lög ná athygli minni og ég segi "hmm.. þetta er mjög áhugavert... nógu áhugavert til þess að ég nenni að hlusta á þessa plötu í gegn..." og það gerist ekkert alltof oft

ég er orðinn það sem ég hataði.. ég er byrjaður að skokka... ég skokka á hverju kvöldi (eða hverri nóttu) heiman frá mér nið´rá ráðhús, einn hring í kringum tjörnina og svo heim.... næ því á rúmlega 13 mínútum... afhverju? ég veit það ekki.. ég hef ekkert betra að gera, þannig að ég ætla bara að koma mér í form og verða jafnviðbjóðslega afmyndaður og Matthew Broderick er orðinn (hann er nebblega orðinn heví massaður.. sjá Myndbönd Mánaðarins)

hvað vill fólk mér... ætti ég að lesa Da Vinci lykilinn eða Skugga-Baldur eða ætti ég að farað sofa eða hvaaað? hvaaaaaÐ?!?

lag dagsins: Ultramagnetic MC's - Ego Trippin

það eru alltaf fleiri og fleiri sem klikka á linkinn "ég"... vitlausa fólk.... en allavegana... Imovan sökkar... það gerir mann syfjaðan daginn efitr.. og ég er soldið djöfulli pirraður á því þegar ákveðið fólk sem segist ætlað senda manni tölvupóst gerir það ekki... ég er pirraður á öllu... Kool Keith er bestur

thong thong thong thong thong thong!

Eyjó benti mér á þetta á imdb og ég held að þetta sé með því alfyndnasta sem ég hef lesið á ævi minni.... þetta er s.s. einhver gaur sem kveðst vera nútíma samúræ að gagnrýna myndina Sichinin No Samurai (Seven Samurai)...

hann lenti svo abra í einhverju böggi útaf þessu og hér er eitt af svörunum hans

"As a "real life" samurai I am extremely offened by your posts, but you already know this and have apparently taken the resposibility for the consequences that may suffered by your speaking your words.

I just want every single one of you to know that I now have my own place and I am free to practice my art and my way 24 hours a day. Like I said I do not want to kill but I will if I have to.

I urge each and everyone of you to apologize to myself, my master and my craft.

J-Mag"

en þetta finnst mér samt vera mesta snilldin:

"And to the cop, trust me I've had my run in's with the police before and police who have been so unfortunate to "try" have wound up face down in my masters pillow if you get my drift. A 44 magnum, as a police officer I would think you would know that those who truly know of the ways of budo are able to dodge and deflect bullets. I have yet had the oppurtunity to try this but I am confident in my skills so I invite you to bring your modern weapon to our dual, you will meet the fate of so many others who no longer post on this thread. "

hahahahah!
svona getur maður verið mikið helvítis fífl þegar maður er fullur...

hohohohoho
ég í góðu gríni rétt áður en einhver slagsmál brutust út...

ég er að lesa bók sem heitir "Leitin að tilgangi lífsins" eftir Viktor E. Frankl og fjallar um það hvernig hann lifði af gyðingaofsóknirnar og m.a. dvöl í Auschwitz.. bókin einblínir ekki á það hvað hversu mikill hryllingur þetta var heldur fæst aðallega við það hvernig hann gat fundið tilgang í lífinu, sama hversu vonlaus aðstaða hans var orðin.... á eftir er svo lýsing á sálfræðikenningu eða aðferð sem tengist þessu... mögnuð bók sem ég mæli með..

ööh... vaknaði kl. 3 í nótt og er búinn að vera vakandi síðan... fór út að skokka kl. 4 hahaha...

lag dagsins: Aphex Twin - Vordhosbn

og sturlun bróður míns heldur áfram... ég var að ræða við hann áðan um framtíðaráform hans...
"Egill veistu hvað ég ætla að verða þegar ég er orðinn stór?"
"hvað?"
"ég ætla að verða gamall maður sem flýgur um allan daginn í risastórum loftbelg og hendir sandpokum í hausinn á fólki. Og í hvert skipti sem ég hitti ætla ég að flissa geðveikt mikið."
"......"

svo var hann að ljúka við teiknimyndasögu sem heitir "Róman Abramóvitsj fer í sjoppu"...
ég veit ekki alveg hvað ég á að gera við hann...

já.. ég fékk það staðfest í gær að bróðir minn er snarruglaður... hann sýndi mér einhverja teiknimyndasögu sem hann hafði gert sem ber nafnið "Nördalíf".. hún byrjar á því að einhver sona dexter-nördatýpa stendur með geðveikt stór gleraugu, í geðveikt stórum calvin klein skóm sem á stendur "oh yeah".. svo er hann haldandi á baseball kylfu... svo koma einhverjir tveir gaurar og segja "þú ert ljótur hahah"... þá kemur svona zoom inn á nördann og hann segir "hvað sagðiru hmmmmm?"... hinn gaurinn svara svo nattlega bara aftur með "þú ert ljótur".... svo kemur svona "10 mínútum síðar" dæmi og á næstu mynd eru tvær gamlar konur með blómahatta að drekka te saman segjandi "this tea of yours is quite marvelous Mrs. Swashbuckler" og "Oh thank you mrs. woman who has no life"... á næstu mynd er svo mynd af blómi og einhverri fljúgandi golfkúlu með sólgleraugu og texti sem segir "fyrirgefiði en ég hef ekkert að skrifa eða teikna hérna nema þetta fallega blóm"..... svo er sagan búin... þess má til gamans geta að bróðir minn er 10 ára

ég ætla að ramma þetta inn

hún litla frænka mín er mesta krútt í sögu alheimsins.... mun ég nú sanna það stærðfræðilega:


Q.e.d

reyndar er systir hennar alveg jafnmikil dúlla en hún er ekki í heimsókn.... og já, hið harðbrjósta illmenni Egill Viðarsson hefur sína mjúku hlið >:-|

annars er ég ekki búinn að sofa í 23 tíma... ætli það sé ekki kominn tími til að farað halla sér...

djöfull hata ég að sjá hamingjusöm pör... og bara allt yfir höfuð... ég held að oft sé besta lausnin við ákveðnum sálarkrísum bara að breytast í gamlan fúlan kall sem hatar allt...

lag dagsins: Sufjan Stevens - Jason

öhöhöhö... jæja ég fékk loksins einkunnina úr þessu blessaða spænskuprófi.... og ég fékk 10,0...... það finnst mér fyndið
annars er skítasjittveður úti... byrjað að snjóa aftur.. ég er ekki búinn að sofa í alla nótt... ég sakna Anne..... tjiggatjigga

hahahaha! ég elska þegar það er EKKERT að gerast í heiminum og íslenskir fjölmiðlar hafa ekkert að segja.... það var sona 5 mínútuna frétt um það að einhver hefði fengið flugeldaprik í hausinn á gamlárskvöld... snilld...

lag dagsins: Beck - Beercan
þetta lag er best

winos throwing Frisbees at the sun
put my soul between a bun
now I'm hungry now I'm drunk
now I'm running like a flaming pig

oh yeah
scraping off the attitude
old man eating all my food
don't be kind
don't be rude
just shake your boots and let it all get loose

oh yeah
my goodness

já... anne er farin heim... eins og ég sagði á ég líklega ekki eftir að blogga mikið héðan í frá... kannski einusinni í viku en þá verða það líklega merkilegri færslur.... allavegana... það er allt komið í hakk hjá mér... og það á allt eftir að breytast hjá mér... það er margt búið að gerast undanfarna daga en ég er ekki að fara kjafta um það á einhverju bloggi... en allavegana... við sjáumst